Лукашенко Путин билан учрашиш учун Москвага йўл олди

Ташрифнинг асосий қисмини Россия президенти Владимир Путин билан 15 сентябр куни бўлиб ўтадиган музокаралар ташкил этади.

Фото: РИА Новости / Павел Бедняков

Беларус раҳбари Александр Лукашенко 14 сентябр, пайшанба куни Россияга ташриф билан жўнаб кетди.

Лукашенко у ерда Россия президенти Владимир Путин билан музокаралар олиб бориш ниятида. Бу ҳақда Лукашенконинг матбуот хизматига яқин бўлган «Пул Первого» телеграм-каналида хабар берилди.

Хабарда айтилишича, ташрифнинг асосий қисмини Россия президенти Владимир Путин билан 15 сентябр куни бўлиб ўтадиган музокаралар ташкил этади.

Қайд этилишича, музокараларнинг асосий мавзулари «халқаро кун тартиби ва минтақавий муаммолар, иқтисодиёт, хусусан, саноат, қишлоқ хўжалиги ва бошқа соҳалардаги қўшма вазифалар» бўлади.

Тайёрлаган: Отабек Матназаров

#Владимир Путин #Александр Лукашенко