Зеленский 21 сентябрда Жо Байден билан учрашади

Томонлар Ню-Йоркда учрашув ўтказади.

Фото: Getty images

Украина президенти Володимир Зеленский Ню-Йоркда ўтадиган БМТнинг Бош aссамблеясида иштирок этади. Бу ҳақда NBC номи очиқланмаган украин амалдорига таяниб хабар бермоқда.

Қайд этилишича, Зеленский 21 сентябр куни АҚШ президенти Жо Байден билан кўришади. АP маълумотига кўра, икки давлат етакчиси ўртасидаги учрашув Оқ уйда бўлиб ўтади.

Байден ва Зеленский сўнгги бор жорий йил июлида НАТОнинг Вилнюсда ўтган саммитида учрашганди.

Август ойида АҚШ Давлат котиби Энтони Блинкен Конгрессдан президент Байденнинг Украинага қўшимча 24 млрд доллар ёрдам пакети бўйича сўровини маъқуллашни сўраганди. Пентагон эса сентябрда Киевга кўрсатилаётган ҳарбий кўмакни назорат қилувчи гуруҳ тузди.

#Жо Байден #Володимир Зеленский

Kun.uz янгиликларини Google News'да кузатинг

+ Обуна бўлиш