Ахборот сиёсати департаменти раҳбари CNN телеканалида янгиликлар тайёрланиш жараёни билан танишгани, таниқли телебошловчи билан учрашганини айтди.
Фото: Telegram / Комил Алламжонов
Президент администрацияси Ахборот сиёсати департаменти раҳбари Комил Алламжонов АҚШ сафаридаги таассуротлари билан ўртоқлашди.
Жумладан, CNN телеканалида янгиликлар тайёрланиш жараёни билан танишгани, таниқли телебошловчи билан учрашганини айтди.
«АҚШга ташриф давомида биз CNN телеканалига ҳам кириб, янгиликлар тайёрлаш жараёни ва CNN иш услублари билан яқиндан танишдик. Умуман, ўзаро ҳамкорликда қилинаётган ишлар, янги лойиҳаларни муҳокама қилдик. Таниқли телебошловчи Richard Quest билан ҳам танишганимдан хурсанд бўлдим. У яқинда Самарқандга келишини ва туризм соҳасида ўтадиган йирик халқаро тадбирда модераторлик қилишини айтди. Қисқа қилиб айтганда, АҚШга сафаримиз жуда сермазмун ва самарали бўлди», деб ёзди Комил Алламжонов.
