Тошкент шаҳри Сергели тумани Қурувчилар даҳасида жойлашган омборхонада содир бўлган фавқулодда ҳодиса бўйича ҳукумат комиссияси тузилди.
Фото: Kun.uz
Бош вазир матбуот хизмати хабарига кўра, комиссияга ҳукумат раҳбари ўринбосари Очилбой Раматов бошчилик қилади.
Комиссия фавқулодда ҳодисани ўрганиш, кўрилган талафотларни бартараф этиш ва жабрланганларга ёрдам кўрсатиш бўйича Ўзбекистон президенти Шавкат Мирзиёевнинг топшириғига асосан тузилган.
Комиссия томонидан ҳудудда олиб борилаётган ишлар юзасидан ахборот бериб борилади.
Бундан олдин Сергели туманида жойлашган омборхоналарнинг бирида кучли портлаш оқибатида 1 киши ҳалок бўлиб, 163 киши турли даражада тан жароҳатлари олгани хабар қилинганди.
