Испанияда тунги клубдаги ёнғин 11 кишини ҳаётдан олиб кетди

Ёнғин маҳаллий вақт билан 1 октябр куни соат эрталабки 6 атрофида Аталайас туманида жойлашган Teatre тунги клубида рўй берган.

Расмийларнинг хабар беришича, қурбонлар сони ортиши мумкин. Фавқулодда хизматлар бедарак кетган бир неча киши қидирилаётгани ҳақида маълум қилган.

«Биз даҳшат ичидамиз», — деган Мурсия мэри Хосе Балеста Испаниянинг 24h телеканали эфирида. У шаҳарда уч кунлик мотам эълон қилган.

Мэрнинг сўзларига кўра, воқеа жойида клубда бўлганларнинг яқинлари тўпланган.

Ёнғинга нима сабаб бўлгани маълум эмас, аммо олов клуб ҳали мижозлар учун очиқ турганида тарқалган.

Мурсия ўт ўчириш хизматининг ижтимоий тармоқлардаги саҳифаларига жойлаштирилган кадрларда ўт ўчирувчилар клуб ичини қамраб олган ёнғинга қарши қандай курашаётгани акс этган. Олов том биносини тўлиқ яксон этган.

Фавқулодда хизматларга кўра, ўт ўчирувчилар соат 08:00 атрофида ичкарига киришга муваффақ бўлишган ва тўрт жасад устидан чиқишган, тахминан 40 дақиқа ўтиб — яна икки жасад топилган.

Тўрт нафар жабрланувчи шифохонага ётқизилган – улар ис газидан заҳарланган. Маҳаллий спорт комплексида жабрланганлар учун консултация ташкил этилган.

Мурсия мэрияси ҳодисадан «чуқур афсусдалиги»ни билдириб, жабрланганлар учун ҳамдардлик изҳор этган.