Европа инвестиция банки Тошкентда ваколатхонасини очади

Ташқи ишлар вазири Бахтиёр Саидов кеча Люксембургда Европа инвестиция банки вице-президенти Тереза Червинская билан музокара ўтказди.

Фото: ТИВ

«Европа инвестиция банки вице-президенти Тереза Червинская хоним билан учрашишдан мамнунмиз», – деб ёзди Ўзбекистон ТИВ раҳбари ўзининг телеграм-каналида.

Қайд этилишича, келгусидаги ҳамкорлик юзасидан макроиқтисодий фаровонликдан тортиб яшил энергетикагача бўлган кўплаб истиқболли йўналишларда мулоқот бўлиб ўтган.

«Европа инвестиция банки Ўзбекистондаги ислоҳотлар дастурини қўллаб-қувватлаб келаётганини қадрлаймиз ва унинг Тошкентда ваколатхонаси очилишини олқишлаймиз», – дейди Бахтиёр Саидов.