Тошкент ерусти ҳалқа метросида 3 кунга 3 та бекатда ҳаракат тўхтатилади

3-5 ноябр кунлари «Толариқ» (10-бекат), «Хонобод» (11-бекат) ва «Қурувчилар» (12-бекат) бекатларида поездлар ҳаракати тўхтатилади.

Фото: Kun.uz

Тошкент метрополитени «Ерусти ҳалқа йўли» йўналишининг II босқичидаги Қурувчилар даҳасидан Сергели мавзесигача бўлган «Турон» (13-бекат) ва «Қипчоқ» (14-бекат) метро бекатларида қурилиш ишларининг сўнги босқичи амалга оширилмоқда.

Ушбу янги бекатларни йўналишдаги мавжуд бекатлар билан техник жиҳатдан ўзаро боғлаш мақсадида, жорий йилнинг 3-5 ноябр кунлари, 3 кун муддатга, «Ерусти ҳалқа йўли» йўналишининг «Толариқ» (10-бекат), «Хонобод» (11-бекат) ва «Қурувчилар» (12-бекат) бекатларида поездлар ҳаракати тўхтатилади.

Бу кунларда «Ерусти ҳалқа йўли» йўналишида поездлар поездлар ҳаракати «Технопарк» (Дўстлик-2) — «Қиёт» (9-бекат) бекатлари оралиғида ташкил этилади.

Шунингдек, «Қиёт» (9-бекат) - «Қурувчилар» (12-бекат) бекатлари оралиғида бепул хизмат кўрсатувчи қўшимча автобуслар ҳаракати йўлга қўйилади.