Самарқандда Бутунжаҳон туризм ташкилотининг тематик офиси очилди

Uzbektourism портали маълумотига кўра, тематик офис UNWTO ҳамкорлигида «Ипак йўли» халқаро бренди лойиҳалари, ташаббуслари ва тадқиқотларини бирлаштириш мақсадида ташкил этилган. У Ипак йўлида туризмни ривожлантиришга ҳисса қўшадиган туризм соҳасидаги ташкилотлар ва экспертлар фаолиятини келгусида баҳолаш ва тавсиялар бериш учун мувофиқлаштиришга мўлжалланган. 

Ўзбекистонда Бутунжаҳон туризм ташкилоти ваколатхонаси очилиши мамлакатнинг «Ипак йўли» мамлакатлари орасида сайёҳлик бозорида етакчи ўринни эгаллаши ва соҳани инновацион ривожлантириш бўйича янги лойиҳаларни жалб этиши учун замин яратади.