Тошкентнинг икки туманида газ таъминоти қисман тўхтатилади

Куз-қиш мавсумига тайёргарлик ишлари доирасида пойтахтда кенг кўламли реконструкция, созлаш ва таъмирлаш ишлари олиб борилмоқда.

Шу сабабли, жорий йилнинг 30 октябр куни 08:00 дан 31 октябр куни соат 20:00 га қадар қуйидаги манзилларда газ таъминоти вақтинча тўхтатилади:

Юнусобод туманида

— Юнусобод-2, 3, 4, 5, 6, 7, 8, 9, 10, 11, 12, 13, 14, 15, 16, 17, 18 ва 19-даҳалари;
— Анорзор, Шаҳристон, Кулолқўрғон, Туркистон, Бободеҳқон, Обод маҳаллалари қисман;
— Мойқўрғон, Регистон, Мирзааҳмедова кўчалари ҳамда ТошГРЭСдаги хонадонлар.

Мирзо Улуғбек ҳамда Юнусобод туманларида жойлашган улгуржи истеъмолчилар

— 1-сонли қозонхона;
— «Юнусобод метан», «Эдем» болалар уйи, «Дрим газ», «Хубит газ», «Лазиз савдо», «Алекс Плоя бизнес», «Делюкс транс сервис», «Нак Абсолют» автомобилларга газ тўлдириш компрессор станциялари (АГНКС);
— «Эдем» болалар уйи;
— Deutsche Kabel AG, «Тошкент файз агро», «Маcро» масъулияти чекланган жамиятлари;
— New Medical Services клиникаси;
— 19-даҳа рўпарасидаги маиший хизмат мажмуаси.

Шунингдек, Юнусобод туманидаги қатор манзилларда газ босими пасайиши кутилмоқда. Шу сабабли, фуқаролардан газ ускуналарига эътиборли бўлиб, эҳтиёт чораларини кўриш сўралган.