Зеленский УҚК Тиббиёт кучлари қўмондонини ишдан бўшатди

Украина президенти Володимир Зеленский Украина Қуролли кучлари Тиббиёт кучлари қўмондонини алмаштирди. Украина раҳбарининг Telegram-каналида 19 ноябр, якшанба куни хабар берилганидек, Киевдаги «Бош ҳарбий клиник госпитал» клиник маркази раҳбари Анатолий Казмирчук Татяна Осташченко эгаллаган лавозимга тайинланган. 

Зеленский бу тайинлов Украина мудофаа вазири Рустем Умеров тақдимномасига кўра амалга оширилганини таъкидлади. «Менимча, бундай қадамнинг сабаблари Украина мудофаа кучлари сафида жанг қилаётган ва ёрдам берадиган ҳар бир кишига аён. Тегишли масалалар кўп маротаба муҳокама қилинган. Аскарларимиз учун тиббий ёрдам муаммоларини ҳал қилиш вақти келди», — деб ёзди Умеровнинг ўзи бу ҳақда Facebook’да.

УҚК Тиббиёт кучлари янги қўмондонининг вазифалари 

У ўз постида Украина Қуролли кучлари Тиббиёт кучларининг янги қўмондони олдидаги асосий вазифаларни санаб ўтди. Биринчидан, бу «жараёнларни рақамлаштиришнинг максимал даражаси ва тиббий ресурслар билан таъминлашнинг барча стандартларга мувофиқлиги, шу жумладан юқори сифатли тиббий асбоб-ускуналар билан таъминлаш бўлади». «Сифатсиз жгутлар каби муаммоларга шунчаки жой йўқ бўлиши керак», деди Умеров. 

Иккинчидан, гап «НАТО стандартлари ва тегишли ресурслар мавжудлигига мувофиқ, жабрланганларга тактик ёрдам кўрсатишни ўқитиш тизимини ишлаб чиқиш» ҳақида боряпти. 

Украина Мудофаа вазирлиги раҳбари Украина Қуролли кучлари Тиббиёт кучлари қўмондони олдидаги учинчи вазифани - «тиббий ёрдам кўрсатишнинг бутун цикли давомида тажриба алмашиш учун шахсий таркиб тактик ва стратегик даражалари ўртасида доимий алмашинувни таъминлаш» деб ҳисоблайди. 

Ўз навбатида, Володимир Зеленский Украина Қуролли кучлари Тиббиёт кучлари бошлиғининг алмаштирилишига изоҳ берар экан, Украина «аскарларга тиббий ёрдамнинг тубдан янги даражасига муҳтожлигини» таъкидлади. «Юқори сифатли жгутлардан тортиб то тўлиқ рақамлаштириш ва таъминотнинг шаффофлигигача, юқори сифатли тайёргарликдан тортиб, тиббиёт ҳақиқатан ҳам тўғри ва самарали жойлаштирилган бўлинмаларда жанговар шифокорлар билан мулоқотгача», деб тушунтирди Украина президенти.