Исроил армияси Ғазодаги «гуманитар пауза» узайтирилганини эълон қилди

ҲАМАС оташкесим келишувини бир кунга узайтирилганини тасдиқлади.

Фото: Anadolu Agency

Исроил армияси Ғазо секторидаги «гуманитар пауза» тугашига бир неча дақиқа қолганида узайтирилганини эълон қилди. Бу ҳақда Anadolu хабар берди.

Исроил армияси хабарида оташкесим неча кунга узайтирилгани кўрсатилмаган.

«Воситачилар кўмагида маҳбусларни озод қилиш жараёни давом этади ва келишувга кўра ҳарбий ҳаракатлар тўхтатилади», дейилади баёнотда.

Ўз навбатида ҲАМАС «гуманитар пауза» бир кунга узайтирилганини эълон қилди.

Исроил ва ХАМАС ўртасида воситачилик қилаётган Қатар ҳам «гуманитар пауза» узайтирилганини тасдиқлади.

#Исроил #Фаластин #Ҳамас

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.