АҚШ фаластинликларни мажбурий кўчирилишига йўл қўймайди - Камала Харрис

Шунингдек, АҚШ Ғазодаги барча гаровга олинганларни озод қилиш учун «тинимсиз таъқиб»ни давом эттиради.

Фото: Reuters

АҚШ вице-президенти Камала Харрис «Қўшма Штатлар ҳеч қандай шароитда фаластинликларни Ғазо ёки Ғарбий Соҳилдан мажбуран олиб чиқилишига, Ғазони қамал қилинишига ёки Ғазо чегараларини ўзгартирилишига йўл қўймайди», деди.

Бу ҳақда у Миср президенти Абдулфаттоҳ ас-Сисий билан учрашув чоғида маълум қилди. Харрис Ғазодан Америка фуқароларини эвакуация қилиш ҳаракатлари учун Мисрга миннатдорчилик билдирди.

COP28 иқлим саммити доирасида Дубайда бўлиб ўтган учрашувда Харрис тинчлик саъй-ҳаракатлари «фаластин халқининг қайта тикланган Фаластин маъмурияти остида ўз давлатини барпо этиши учун аниқ сиёсий истиқбол контекстида амалга оширилсагина муваффақият қозониши мумкинлигини айтди».

Вице-президент ҲАМАС Ғазони назорат қила олмаслигини ва АҚШ Ғазодаги барча гаровга олинганларни озод қилиш учун «тинимсиз таъқиб»ни давом эттиришини маълум қилди.

Тайёрлаган: Сардор Юсупов

#АҚШ #Исроил #Ҳамас #Камала Харрис

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.