Қўшимча функционаллар
-
Тунги кўриниш
Ўзбекистонда йил бошидан бери 26 та ноқонуний майнинг фермаси аниқланди
Давлатга етказилган зарар 58 миллиард сўмдан ошган. Қонунбузарлар процессуал тартибда ушланган.
2023 йилнинг ўтган даврида Ўзбекистонда 26 та ноқонуний майнинг фермаси аниқланди. Бу ҳақда Бош прокуратура хабар берди.
Қайд қилинишича, улар томонидан 29 млн kWh электр энергияси талон-торож қилинган. Бу 145 мингта хонадоннинг бир ойлик истеъмол эҳтиёжига тенг. Давлатга етказилган зарар 58 миллиард сўмдан ошган.
Ҳолат юзасидан 29 нафар шахсга нисбатан Жиноят кодексининг 169-моддаси (ўғрилик) тегишли қисми билан жиноят иши қўзғатилган ва улар процессуал тартибда ушланган.
Бош прокуратуранинг эслатишича, майнинг фаолияти билан ноқонуний шуғулланиб энергия ресурсларини жуда кўп миқдорда талон-торож қилиш Жиноят кодексининг 169-моддаси, 4-қисми билан жиноят иши қўзатилишига ҳамда 8 йилдан 15 йилгача озодликдан маҳрум қилиш билан жазоланиши мумкин.
Мавзуга оид
20:10 / 15.05.2026
Эҳтиёжманд оилаларга бериладиган компенсация миқдорлари оширилади
10:03 / 01.05.2026
Электрдаги йўқотишлари юқори бўлган 44 та ҳудуднинг электр корхонаси раҳбари ишдан олинди
09:13 / 25.04.2026
Тошкентда электр корхонаси муҳандислари 8 минг доллар билан ушланди
17:58 / 17.03.2026