Водий вилоятларида электр таъминотида қисқа муддатли узилишлар кузатиляпти

Наманган, Фарғона ва Андижонда электр таъминотида қисқа муддатли узилишлар кузатилмоқда.

Фото: Kun.uz

Водий вилоятлари истеъмолчиларининг электр таъминотида қисқа муддатли узилишлар кузатилмоқда. Бу ҳақда Энергетика вазирлиги хабар берди.

Маълум қилинишича, бугун, 21 декабр куни соат 14:13 да водий вилоятлари истеъмолчиларини электр энергияси билан таъминловчи юқори кучланишли «Л-524» электр узатиш тармоғида носозлик юзага келган.

Бунинг натижасида водий вилоятлари (Наманган, Фарғона ва Андижон)нинг электр таъминотида қисқа муддатли узилишлар кузатилмоқда.

Ҳозирги вақтда ушбу носозликни бартараф этиш ишлари олиб бориляпти. Носозлик тез орада бартараф этилиб, электр энергияси барқарорлиги таъминланиши айтилган.