Тошкентда «гармошка» автобус ва Matiz иштирокида ЙТҲ юз берди

Фото: «Тошшаҳартрансхизмат» матбуот хизмати

Тошкент шаҳрининг Юнусобод туманида автобус ва Matiz иштирокида ЙТҲ юз берди. «Тошшаҳартрансхизмат» матбуот хизмати ҳолат юзасидан маълумот берди.

Унга кўра, 6 январ куни соат 20:30 ларда Юнусобод тумани, «Жума масжиди» бекати олдида King Long русумли, 93-сонли йўналишда ҳаракатланаётган автобус ва Matiz билан майда тўқнашув содир этган.

Ушбу йўл-транспорт ҳодисаси натижасида тан жароҳати олганлар йўқ, енгил автомобил техник шикастланган, автобусга ҳеч қандай зарар етмаган.

Ҳозирда мазкур ҳолат юзасидан суриштирув ишлари олиб борилмоқда.