Қозоғистонда носоз автобусда қолиб кетган 50 дан ортиқ ўзбекистонлик эвакуация қилинди
Қозоғистоннинг Ақтўбе областида 55 нафар ўзбекистонлик носоз автобусдан эвакуация қилинди. Улар Тошкентдан Россиянинг Қозон шаҳрига кетаётган бўлган.
13 январ куни Қозоғистоннинг Ақтўбе вилоятида носоз автобусдан Ўзбекистоннинг 55 нафар фуқароси эвакуация қилинди. Бу ҳақда қўшни мамлакат фавқулодда вазиятлар вазирлиги хабар берган.
Республика аҳамиятига молик Самара-Чимкент автомобил йўлининг 965-километрида Тошкент-Қозон (Россия) йўналишида ҳаракатланаётган йўловчи автобуси носозлик туфайли тўхтаб қолган. Автобусда Ўзбекистоннинг 55 нафар фуқароси бўлган.
Йўловчилар ФВВ ходимлари томонидан Қорабутак қишлоғи масжидига кўчирилган. Улар тиббий ёрдамга эҳтиёж сезмаган.
Об-ҳаво ёмонлашганда ва автомобил йўлларида ҳаракат чекловлари мавжуд бўлганда йўлга чиқмаслик, транспортнинг техник ҳолатига эътибор бериш тавсия қилинган.
- Бундан аввалроқ, Ташқи меҳнат миграцияси агентлиги ҳам Қозоғистонда бўлиб турган ва транзит йўналишида ҳаракатланаётган Ўзбекистон фуқароларига огоҳлантириш билан чиқиб, йўлларда ҳаракатланишда барча хавфсизлик қоидаларига қатъий риоя қилишни, хавфсиз транспорт воситаларидан фойдаланишни, зарурат бўлмаганда узоқ масофали йўлларда транспорт воситаларида ҳаракатланмасликни сўраганди.
Мавзуга оид
19:38 / 18.09.2024
Тошкентда ўндан ортиқ автобус йўналиши вақтинча ўзгаради
20:48 / 10.09.2024
Тошкентда кондуктор маст ҳолда бўлган шахсни куч ишлатиб автобусдан тушириб юборди
11:05 / 08.09.2024
Самарқандда шаҳарлараро йўловчи ташиш автобусида яроқсиз гўшт олиб кетилаётгани аниқланди
19:00 / 30.08.2024