Байрам кунлари Тошкентда автобуслар иш жадвали маълум қилинди

31 август ва 1-2-3 сентябр кунлари автобуслар ҳаракати якшанба кунлари учун тасдиқланган жадваллар асосида ташкил этилади.

Фото: Тошшаҳартрансхизмат

«Тошшаҳартрансхизмат» АЖ байрам кунлари автобус саройлари тасарруфидаги автобус йўналишларининг фаолияти қандай бўлиши ҳақида маълумот берди.

Қайд қилинишича, 31 август ва 1-2-3 сентябр кунлари автобуслар ҳаракати якшанба кунлари учун тасдиқланган жадваллар асосида ташкил этилади.

Аввалроқ, «Тошкент метрополитени» 31 август ва 1 сентябр кунлари метро поездлари ҳаракати иш куни учун белгиланган жадвал асосида, 2-3 сентябр кунлари эса дам олиш кунлари учун мўлжалланган жадвал асосида ҳаракатланиши ҳақида хабар берган эди.

Ўзбекистонда Мустақиллик байрами муносабати билан 31 август ҳамда 1-3 сентябр дам олиш кунлари этиб белгиланган.