Муборак тумани Мактабгача ва мактаб таълими бўлими бошлиғига суд ҳукм ўқилди 

5 март куни Жиноят ишлари бўйича Қашқадарё вилояти, Косон туман судида Муборак тумани Мактабгача ва мактаб таълими бўлими бошлиғи И.У. Жиноят Кодексининг 207-моддаси (Мансабга совуққонлик билан қараш) 1-қисмида назарда тутилган жиноятларни содир этганликда айбли деб топилди. 

У давлат органи ёки давлат иштирокидаги ташкилотларда моддий жавобгарлик ва мансабдорлик вазифаларида ишлаш ҳуқуқидан 1 йил муддатга маҳрум қилиниб, иш ҳақининг 20 фоизи миқдорини давлат даромади ҳисобига ушлаб қолган ҳолда 1 йил аҳлоқ тузатиш ишлари жазоси тайинланган. 

Хабарда мансабдор шахснинг қандай жиноятларни содир этганлигига ойдинлик киритилмаган. 

Қайд қилинишича, И.У. суд ҳукми устидан апелляция тартибида шикоят берган.