Қудалари бўғирсоқ билан кутиладиган овул — Хорезм

Kun.uz юртимизнинг олис ҳудудларидаги одамлар ҳаёти, турмуш-тарзи билан танишишда давом этади. Галдаги манзилимиз Қўнғирот туманининг Хорезм овули бўлди. Аҳил ва тотувликда яшаётган юздан ортиқ хўжалик аҳли турмушларидан нолимайди. Овулдаги урф-одат ва анъаналар сизни бефарқ қолдирмайди деб ўйлаймиз.

{Yii::t(}

Ўтказиб юбориш 6s

Ўтказиб юбориш

Қорақалпоғистон Республикасининг Қўнғирот туманидаги Хорезм овули аёллари Наврўз байрамида гўжа ош қилиш учун келида жўхори туйишади. Туйилган жўхорини тозалаб, ғалвирда саралаб олишади. Чиққан майда жўхори бўлакларини товуқларга емиш сифатида олиб қўйиб, сараланганидан эса гўжа ош қилишар экан.

Боғча мудирасининг айтишича, қишлоқ боғчасида 25 та бола тарбияланади. Қишлоқ кишилари ҳам «бизда кўп янгилик бор, янги мактаб, янги боғча қурилди», деб мамнун гапиришди. Боғчада барча шароитлар бор, 50 та болага мўлжалланган янги гуруҳ ҳам очиляпти экан. Яқинда яна бир боғча қурилишини ҳам айтиб ўтишди.

Чорвачилик ва деҳқончилик билан шуғулланувчи Баҳодир ака шу қишлоқда туғилиб ўсгани, фермерлик ҳам қилганини, деҳқончилик учун эски трактори борлигини самимийлик билан айтади.