Қозоғистон буғдойининг Ўзбекистонга экспорти ўтган мавсумдаги даражадан ошди

Ўзбекистон Қозоғистон буғдойининг етакчи импортчиси бўлиб қолмоқда. Жорий мавсумнинг 6 ойи давомида юк ташиш ҳажми ўтган мавсумдаги кўрсаткичдан ошиб кетди.

Фото: Getty Images

АПК-Информ расмий статистик маълумотларга таяниб хабар беришича, 2023-24 йил сентябр-феврал ойларида Қозоғистон Ўзбекистонга 1,6 миллион тонна буғдой экспорт қилди (ўтган мавсумнинг 6 ойида бу кўрсаткич 1,529 миллион тоннага тенг эди).

Хусусан, феврал ойидаги экспорт кўрсаткичи охирги 4 ой ичида энг юқориси бўлиб, қарийб 296 минг тоннани ташкил этди. Шу билан бирга, 2023 йилнинг феврал ойида бу кўрсаткич 313,5 минг тоннага тенг бўлган.

Ўтган йил ёғингарчилик кам бўлса-да, 17 миллион тонна дон (2022 йилда 22 миллион тонна), шу жумладан, 12,1 миллион тонна буғдой йиғиб олинган. Бу омиллар жорий йилнинг экспорт салоҳиятига таъсир қилмайди.