Берлин Россиядан СТГга эмбарго жорий этиш ғоясини қўллаб-қувватлади

Германия ҳукумати Украинага қарши кенг кўламли ҳужум учун Россияга қарши Европа санкцияларининг 14-пакетига Россиядан суюлтирилган табиий газ (СТГ)ни Европа Иттифоқига олиб киришга эмбарго киритиш таклифини қўллаб-қувватлайди. Бу ҳақда Германия вице-канцлери ва иқтисодиёт вазири Роберт Хабек 24 апрель куни DW нашри саволига жавобан айтиб ўтди.

«Россия газининг молекулалари» 

«Ҳа, мен буни қўллаб-қувватлайман, - деди Хабек Швециянинг Россия СТГга нисбатан санкциялар қўллаш таклифига ишора қилиб. - Германия энди Россиядан СТГга муҳтож эмас, бизда уни қабул қилиб олиш бўйича Россия билан шартномаларимиз йўқ». Вазир таъкидлаганидек, агар «Россия газининг молекулалари» газ ташиш тизимига кираётган бўлса ҳам, бу фақат жаҳон бозорида СТГни сотиб олиш натижасидир. 

Роберт Хабекнинг айтишича, агар Германия ҳатто инфратузилманинг Россия газига боғлиқлигидан қутулгани ҳисобга олинса, бошқа давлатлар ҳам ундан ўрнак олиши мумкин. «Германия газ бўйича қила олган нарса бошқа мамлакатлар учун энергетика соҳасида амалга ошириш мумкин бўлган ишнинг намунасидир», деди вазир нафақат СТГга, балки Россиядан ЕИга АЭС учун ёнилғи экспортига ҳам ишора қилиб. 

Санкцияларнинг 14-пакети яқинлашмоқда 

Мутахассисларнинг фикрича, ҳозирги вақтда Россия Европа Иттифоқи мамлакатларига СТГ етказиб бериш бўйича АҚШдан кейин иккинчи ўринда туради. Унинг умумий импортдаги улуши 16 фоизни ташкил қилади. Ўтган йили товар бозорлари тўғрисида маълумот тўплашга ихтисослашган Kpler компаниясининг ҳисоб-китобларига кўра, Россия фирмалари Европа Иттифоқи мамлакатларига 15,5 миллион тонна СТГ сотган, бу 2021 йилга нисбатан деярли 40 фоизга кўпдир. 

Европа комиссияси келаси ҳафта Россияга қарши санкцияларнинг 14-пакети лойиҳасини тақдим этиши кутилмоқда.