«Долзарб 40 кунлик» тадбирида ушланган шахсларга суд ҳукми ўқилди

Тошкентда фирибгарлик ва безорилик содир этган шахсларга жазо тайинланди.

Фото: Тошкент шаҳри ИИББ

Тошкент шаҳри ИИББ ва бошқа ҳуқуқни муҳофаза қилувчи органлар билан ҳамкорликда пойтахт ҳудудида криминоген вазиятни яхшилаш юзасидан ўтказилган тезкор тадбирларда ушланган бир гуруҳ шахсларга нисбатан суд ҳукми ўқилди.

Жиноят ишлари бўйича Миробод тумани судининг 30 апрел кунидаги ҳукмига кўра, 1987 йилда туғилган Сабирджанов Хасан Абдусаматович Жиноят кодексининг 277-моддаси (Безорилик) 3-қисми «а» банди, 168-моддаси (Фирибгарлик) 2-қисми «б» банди билан айбли деб топилиб, 4 йил 9 ой муддатга озодликдан маҳрум қилинди.

Жиноят ишлари бўйича Миробод тумани судининг 30 апрел кунидаги ҳукмига кўра, 1987 йилда туғилган Сабирджанов Хусан Абдусаматович Жиноят кодексининг 277-моддаси (Безорилик) 3-қисми «а» банди, 168-моддаси (Фирибгарлик) 2-қисми «б» банди билан айбли деб топилиб, 4 йил 10 ой муддатга озодликдан маҳрум қилинди.

Жиноят ишлари бўйича Учтепа тумани судининг 3 май кунидаги ҳукмига кўра, 1977 йилда туғилган Уразов Марат Пулатович Жиноят кодексининг 168-моддаси (Фирибгарлик) 3-қисми «б» банди билан айбли деб топилган. Етказилган моддий зарар тўлиқ қоплангани инобатга олиниб, иш ҳақининг 25 фоизи давлат даромади ҳисобига ушлаб қолган ҳолда 1 йил 9 ой 27 кун муддатга ахлоқ тузатиш ишлари жазоси тайинланган.