Ўзбекистоннинг ташқи савдо айланмаси 5,9 фоизга ошган.
Фото: Kun.uz
2024 йилнинг январ-апрел ойларида Ўзбекистон Республикасининг ташқи савдо айланмаси 20,9 млрд АҚШ долларига етган.
Статистика агентлиги маълумотларига кўра, ташқи савдо айланмаси ҳажми 2023 йилнинг мос даври билан солиштирилганда 1,2 млрд АҚШ долларига ёки 5,9 фоизга ошган.
Тошкент шаҳри Ўзбекистоннинг ташқи савдо айланмаси таркибида энг юқори - 38,8 фоиз улушни эгаллаган.
Тошкентнинг ташқи савдо айланмаси ҳажми 4 ойда қарийб 8,1 млрд АҚШ долларига етган.
