Тошкентнинг икки туманида электр таъминоти вақтинча тўхтатилади

Тошкентнинг Бектемир ҳамда Мирзо Улуғбек туманларида “свет” вақтинча ўчирилади.

Фото: Тошкент шаҳар электр тармоқлари

“Тошкент шаҳар электр тармоқлари” хабарига кўра, бунга истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатлар олдини олиш ҳамда мавжуд электр қурилмаларида таъмирлаш ишларини олиб бориш сабаб бўлади.

6 июн куни қуйидаги манзилларда электр таъминоти вақтинча ўчирилади:

Бектемир тумани: “Соҳил”, “Мусаффо” ҳамда “Нурли йўл ” МФЙ айрим ҳудудларида соат 09:00 дан 14:00 гача;
Мирзо Улуғбек тумани: “Ижодкор”, “Темурийлар”, “Чингелди”, “Иқтидор” ҳамда “Сарбон” МФЙ айрим ҳудудларида соат 01:00 дан 05:00 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.