Саида Мирзиёева АҚШ савдо вакили билан учрашди

Президент ёрдамчисининг сўзларига кўра, Ўзбекистон Жаҳон савдо ташкилотига аъзо бўлиб, халқаро савдо тизимининг тўлақонли иштирокчисига айланиш ниятида ва бунда АҚШнинг кўмагига таянади.

Фото: Саида Мирзиёева / Telegram

Ўзбекистон президенти ёрдамчиси Саида Мирзиёева Тошкентда бўлиб турган АҚШ савдо вакили Кэтрин Тай билан учрашди.

Мулоқот давомида Ўзбекистон иқтисодий ислоҳотларни фақатгина статистика – юқори кўрсаткичлар учун эмас, балки эътиборни, аввало, халқ манфаатлари ва фаровонлигига қаратиб, буни давлат сиёсати даражасига кўтарган ҳолда амалга ошираётгани таъкидланди.

“Биз халқаро савдо тизимининг тўлақонли иштирокчисига айланиш ниятидамиз ва Ўзбекистоннинг ЖСТга аъзо бўлиш жараёнини жадаллаштиришда АҚШ кўмагига таянамиз”, – дея ёзди Мирзиёева ўз Telegram-каналида.