Саида Мирзиёева ХАЭА бош директори Рафаэл Гросси билан учрашди

Мулоқот давомида миллий ядро энергетикаси инфратузилмасини яратиш, ядровий тиббиётни ривожлантириш масалалари муҳокама қилинди.

Фото: Telegram / Саида Мирзиёева

Президент Администрацияси раҳбари Саида Мирзиёева 4 июнь куни Халқаро атом энергетикаси агентлиги (ХАЭА) бош директори Рафаэл Гросси билан учрашди.

«Бугун ХАЭА бош директори Рафаэл Гросси билан учрашдим. Олий мартабали меҳмон Жиззах вилоятида атом электр станцияси қурилишининг бошланиши маросимида иштирок этиш учун мамлакатимизга ташриф буюрди.

Мулоқот давомида ушбу нуфузли ташкилот билан миллий ядро энергетикаси инфратузилмасини яратиш, ядровий тиббиётни ривожлантириш ва соҳа учун кадрлар тайёрлаш борасидаги ўзаро ҳамкорлик масалаларини муҳокама қилдик», деб ёзди Саида Мирзиёева.