17 июн куни соат 03:00 ларда Чилонзор тумани Муқимий кўчасида 4 та автомашина иштирокида йўл-транспорт ҳодисаси қайд этилган. Ҳайдовчилардан бири жароҳат олди.
Пойтахтнинг Чилонзор тумани Муқимий кўчасида ЙТҲ содир бўлди. Тошкент шаҳар ИИББ ЙҲХБ ҳолат юзасидан расмий маълумот берди.
Жорий йилнинг 17 июн куни соат 03:00 ларда Чилонзор тумани Муқимий кўчасида 4 та автомашина иштирокида йўл-транспорт ҳодисаси қайд этилган.
Ҳайдовчилар, 1998 йилда туғилган У.Б. бошқарувида бўлган MENLO русумли автомашина, 1999 йилда туғилган М.А. бошқарувида бўлган “ВАЗ-2106” русумли автомашина, 1992 йилда туғилган М.Р. бошқарувида бўлган “ВАЗ-2107” русумли автомашина ва 1990 йилда туғилган Б.Р. бошқарувида бўлган Nexia-2 русумли автомашина иштирокида йўл транспорт ҳодисаси кузатилди.
ЙТҲ оқибатида MENLO русумли автомашина ҳайдовчиси тан жароҳати олган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
