Қўшимча функционаллар
-
Тунги кўриниш
Агриппина Шин Тошкентдаги Пучон университетига ректор этиб тайинланди
Сўнгги 7 йилда мактабгача таълим тизимини бошқариб келган Агриппина Шин фаолиятини Тошкент шаҳридаги Пучон университети ректори сифатида давом эттиради. Ҳукумат қарори билан, шунингдек, Герцен ва Герасимов номидаги ОТМлар филиаллари ҳамда миллий мусиқа санъати институтига ҳам янги раҳбарлар тайинланди.
Фото: Kun.uz
Вазирлар Маҳкамасининг қарори билан, Тошкент шаҳридаги 4 та олийгоҳга раҳбарлар тайинланди.
Виктор Вениаминович Нам Тошкент шаҳридаги Пучон университети ректори лавозимдан озод қилинди. Унинг ўрнига Агриппина Васильевна Шин тайинланди.
- Агриппина Васильевна Шин 2017 йилдан мактабгача таълим вазири, 2023 йилдан Мактабгача таълим агентлиги директори сифатида ишлаб келаётган эди. Агентлик фаолияти ўтган ҳафта тугатилганди.
Қаҳрамон Танзилович Олимов Тошкент шаҳридаги “А.И.Герцен номидаги Россия давлат педагогика университети” федерал давлат бюджети олий таълим муассасаси филиалининг ижрочи директори лавозимдан озод қилинди. Унинг ўрнига Виктор Вениаминович Нам тайинланди.
Элдор Содиқович Йўлдошев Тошкент шаҳридаги “С.А.Герасимов номидаги Бутунроссия давлат кинематография институти” федерал давлат бюджети олий таълим муассасаси филиалининг директори лавозимидан озод қилинди. Унинг ўрнига Иқбол Мамасодиқович Мелиқўзиев тайинланди.
Элдор Ўралович Шерманов Юнус Ражабий номидаги Ўзбек миллий мусиқа санъати институтининг ўқув ишлари бўйича проректори – ректори вазифасини вақтинча бажарувчи этиб 6 ой синов муддати билан тайинланди.
Мавзуга оид
09:28 / 24.03.2023
Агриппина Шин Мактабгача таълим агентлиги директори этиб тайинланди
19:20 / 15.12.2022
Агриппина Шин: Тарбиячиларнинг маошини ошириш учун йилига 2,5 трлн сўм керак
18:56 / 15.12.2022
Вазир боғча мудираларини сертификат асосида ишга олиш ҳақидаги саволга жавоб берди
21:03 / 12.10.2022