Қўшимча функционаллар
-
Тунги кўриниш
Ўзбекистон 2024 йилги Халқаро биология олимпиадасидан четлатилди
Бунга ўзбек делегацияси томонидан қоидаларга риоя қилинмагани сабаб бўлган. Ҳозирда Ўзбекистон IBO’га аъзо давлатлар рўйхатидан чиқарилган.
Қозоғистоннинг Остона шаҳрида 7-14 июл кунлари ўтказилган Халқаро биология олимпиадасидан Ўзбекистон жамоаси четлаштирилгани маълум бўлди.
Бунга Жиззах давлат педагогика университети қошидаги академик лицей ўқитувчисининг ўқувчига ёрдам бергани сабаб бўлган. Оқибатда IBO бошқарув кенгашининг қарори билан бутун жамоа натижалари бекор қилиниб, ўзбек делегацияси олимпиададан четлаштирилган (Ўзбекистон жамоасидан 4 нафар йигит-қиз иштирок этаётганди).
Воқеа ортидан Ўзбекистон IBO’га аъзо давлатлар рўйхатидан ҳам чиқариб юборилган бўлиши мумкин. Боиси Халқаро биология олимпиадасининг расмий сайтидаги аъзолар харитасида Ўзбекистон номи сўроқ остида қолдирилган.
Мактабгача ва мактаб таълими вазирлиги “кейинги йилда Ўзбекистон жамоасининг олимпиадада иштироки масаласи ҳали аниқ белгиланмаган” дея изоҳ берди.
Таъкидланишича, бу бўйича аниқ қарор 2025 йилги олимпиадага таклифнома жўнатиш жараёнида маълум бўлади.
“Мактабгача ва мактаб таълими вазирлиги томонидан ўқувчиларимизнинг нуфузли халқаро олимпиадалардаги иштирокини таъминлаш мақсадида тегишли ишлар олиб борилмоқда”, — дейилади вазирлик изоҳида.
Эслатиб ўтамиз, Ўзбекистон Халқаро биология олимпиадасида 1997 йилдан бери қатнашиб келади. Бу йилги олимпиадада 80дан ортиқ мамлакатдан 320 нафардан зиёд ўқувчилар қатнашиши маълум қилинганди.
Тавсия этамиз
“Ўргимчак тўри”: Украина қўлидаги карталардан бирини очди
Жаҳон | 21:12 / 04.06.2025
Дунёда фақат бир мамлакат ўзини озиқ-овқат билан тўлиқ таъминлаши маълум бўлди
Жаҳон | 18:47 / 04.06.2025
Исландия собиқ президенти миллий боғга гид бўлиб ишга жойлашди
Жаҳон | 21:25 / 03.06.2025
Урушлар энди ўзгача: «Ўргимчак тўри» операцияси ҳақида
Жаҳон | 22:27 / 02.06.2025
Сўнгги янгиликлар
-
Туркияда сайёҳларнинг картасидан 29 млн доллар ўғирлаган гуруҳ аъзолари ушланди
Жаҳон | 22:58 / 07.06.2025
-
Илон Маск АҚШ президенти билан зиддият ортидан янги партия тузишни таклиф қилди
Жаҳон | 22:08 / 07.06.2025
-
Жеймс Кукнинг афсонавий Endeavour кемаси топилди
Жаҳон | 21:48 / 07.06.2025
-
Қирғизистоннинг собиқ президенти Атамбаев Халқаро судда жавоб беришга тайёрлигини билдирди
Жаҳон | 21:12 / 07.06.2025
Мавзуга оид
17:01 / 30.05.2025
Грецияда биринчи марта роботлар олимпиадаси ўтказилади
20:59 / 16.04.2025
Ҳар йили декабрда «Президент Олимпиадаси» ўтказилади
01:09 / 08.04.2025
Биотехнологик стартап 10 минг йил олдин қирилиб кетган даҳшатли бўриларни «қайта яратди»
00:10 / 23.03.2025
Олимлар нима учун одамларда эрта болалик хотиралари йўқлигини тушунтирди
