Навалнийнинг иттифоқчиси Ксения Фадеева колониядан олиб чиқиб кетилди

Шаҳар думаси собиқ депутати ва Алексей Навалнийнинг Томскдаги штаби собиқ раҳбари Ксения Фадеева колониядан ғойиб бўлди. Бу ҳақда унинг тарафдорлари 29 июл, душанба куни хабар беришди.

Фадееванинг адвокати кеча Новосибирскдаги ИК-9 колониясига етиб келди, бироқ унга мижози «кетгани»ни айтишди. «Колония вакиллари адвокатнинг Ксения айнан қаерга олиб кетилгани, қачон, нима учун олиб кетилгани ва кимнинг илтимосига биноан олиб кетилгани ҳақидаги саволларига жавоб беришдан бош тортди», деди Фадеева тарафдорлари.

Кеча эрта тонгда Навалнийнинг Уфадаги штаби собиқ раҳбари Лилия Чанишева ғойиб бўлди. У Перм вилоятидаги колониядан олиб кетилган, деди унинг эри Алмаз Гатин. Ҳуқуқ ҳимоячиси Олег Орлов билан ҳам худди шундай ҳолат юз берди. «Мемориал» хабарига кўра, у Сизрандаги 2-ТИЗОдан олиб кетилган. Барча ҳолатларда маъмурият маҳбуслар қаерга юборилганини айтишдан бош тортди.

Фадеева иши 

Декабр ойида Томскнинг Советский туман суди Фадеевани 9 йилга озодликдан маҳрум қилди. Бундан ташқари, Фадеева 500 минг рубл жаримага тортилди. 

Навалний штаби собиқ раҳбари ўз мансаб мавқейидан фойдаланган ҳолда экстремистик ҳамжамият фаолиятини ташкил этиш ва фуқароларнинг шахсияти ва ҳуқуқларини бузувчи нотижорат ташкилотда иштирок этишда айбдор деб топилди. 

«Мемориал» инсон ҳуқуқлари жамияти Фадеэвани сиёсий маҳбус деб билади, чунки таъқибга сабаб унинг Навалнийнинг штабида ишлаши бўлган. 2020 йилдан бери Фадеева Томск шаҳар думасида ишлаган. У шу йилнинг июн ойида ҳукм кучга кирганидан кейин ваколатларидан маҳрум қилинган эди.

https://www.dw.com/ru/eksglava-staba-navalnogo-v-tomske-ksenia-fadeeva-propala-iz-kolonii/a-69799288