Россияда саккиз нафар генерал лавозимдан олинди — ОАВ

Россиянинг турли идоралари, жумладан, ФВВ, Тергов қўмитаси ва Федерал жазони ижро этиш хизматининг («ФСИН») саккиз нафар генерали лавозимидан олинди. Бу ҳақда «РИА Новости» вазиятдан хабардор манбасига таяниб хабар берди.

Лавозимдан олинганлар:

• Тергов қўмитасининг Ставропол ўлкаси бўйича бошқармаси бошлиғи адлия генерал-майори Игор Иванов;
• ФВВ Тезкор бошқарув департаменти директори ўринбосари генерал-майори Александр Молчанов;
• ФВВ Москва вилояти бошқармаси бошлиғи ички хизмати генерал-лейтенанти Сергей Полетикин;
• Тергов қўмитасининг Бурятия бўйича бошқармаси бошлиғи адлия генерал-майори Вячеслав Сухоруков;
• ФВВ Ростов вилояти бўйича бошқармаси бошлиғи ички хизмат генерал-лейтенанти Сергей Филиппов.

Нашр манбаси генераллар нима сабаб туфайли лавозимдан олинганига аниқлик киритмаган. Гап идоралардаги режавий ўзгаришлар ҳақида кетаётган бўлиши мумкин.

ФВВнинг Ростов ва Москва вилоятлари бўйича бошқармалари матбуот хизматилари Филиппов ва Полетикин лавозимдан олинганини тасдиқлади. Полетикин «хизмат қилиш ёши чегарасига етганлиги сабабли штатдан четлаштирилгани» айтилмоқда.

Август бошларида Россия Мудофаа вазирлиги Инновацион ривожланиш бош бошқармаси бошлиғи ўринбосари генерал-майор Владимир Шестеров коррупция иши бўйича қўлга олинган эди.

Ундан олдин эса мудофаа вазирининг собиқ ўринбосари Тимур Иванов, Россия Қуролли кучлари Бош штаби бошлиғининг собиқ ўринбосари Вадим Шамарин, 24 июль куни Россия Мудофаа вазирлигининг Ҳарбий қурилиш компанияси (ВСК) бош директори Андрей Белков, 1 август куни эса Россиянинг «Военторг» акциядорлик компанияси бош директори Владимир Павлов Россия ҳибсга олинган эди.