Ўзбекистон тўқимачилик маҳсулотлари Мўғулистонга экспорт қилинади

Ўзбекистон ташқи ишлар вазири ўринбосари Илҳом Ҳайдаров "Мўғулистон-Ўзбекистон" парламентлараро дўстлик гуруҳи раҳбари Сухбаатар Эрденебат бошчилигидаги мўғулистонлик кузатувчилар билан учрашди.

Фото: "Дунё" АА

ТИВ маълумотига кўра, хорижлик кузатувчилар Ўзбекистонда, айниқса, делегация ҳозир бўлган Бухорода сайловга юқори даражада тайёргарлик кўрилгани ва халқаро демократик стандартларга мослигини таъкидлади.

Икки томонлама ҳамкорликнинг бугунги ҳолати ва уларни ривожлантиришнинг янги истиқболли йўналишлари ҳам муҳокама қилинди.

Суҳбат чоғида чорвачилик ва АКТ соҳасида ҳамкорлик алоқаларини ўрнатиш, Ўзбекистон тўқимачилик маҳсулотларини Мўғулистонга экспорт қилишга алоҳида эътибор қаратилди.