Тадбиркорлар учун «Менинг бизнесим» модули ишга туширилди

Тадбиркорлик субъектларини давлат рўйхатидан ўтказиш (new.birdarcha.uz) тизимида «Менинг бизнесим» модули жорий этилди, деб хабар берди «Ҳуқуқий ахборот» канали.

Қайд қилинишича, ушбу модул орқали тадбиркорлар ўз бизнесига доир бир қатор муҳим маълумотларни олиши мумкин.

Жумладан:

- тадбиркорлик субъектларининг умумий маълумотлари;

- солиқ ҳисоботлари ва маълумотлари;

- лицензия ва интеллектуал мулк маълумотлари;

- кўчмас мулк маълумотлари;

- бандлик ва ЙҲХХ маълумотлари;

- тақиқлар ва IT park маълумотлари;

- Давлат активларини бошқариш агентлиги маълумотлари;

- қимматли қоғозларнинг марказий депозитарийси маълумотлари.