Қонунчилик палатаси қўмиталарига раислар сайланди

Қуйи палатадаги 12 та қўмита ўрнида 10 та янгиланган қўмита тузилди. Қўмиталар ва уларнинг раислари қуйидагилар бўлди:

Аграр ва сув хўжалиги масалалари қўмитаси — Равшан Маъмутов;

Бюджет ва иқтисодий масалалар қўмитаси — Шарофиддин Назаров;

Демократик институтлар ва фуқаролик жамиятини ривожлантириш масалалари қўмитаси — Гулруҳ Аъзамова

Инновацион ривожланиш ва ахборот технологиялари масалалари қўмитаси — Илҳом Абдуллаев;

Коррупцияга қарши курашиш ва суд-ҳуқуқ масалалари қўмитаси — Жаҳонгир Ширинов;

Тадбиркорлик, рақобатни ривожлантириш ва саноат масалалари қўмитаси — Бобур Бекмуродов;

Фан, таълим, маданият, спорт ва ёшлар масалалари қўмитаси — Нодир Жумаев;

Халқаро ишлар, мудофаа ва хавфсизлик масалалари қўмитаси — Улуғбек Шерматов;

Экология ва атроф-муҳитни муҳофаза қилиш масалалари қўмитаси — Хайрулло Ғаффоров;

Меҳнат, соғлиқни сақлаш ва ижтимоий масалалар қўмитаси — раис лавозими ҳозирда вакант.

Мажлисда сўзга чиққан президент Шавкат Мирзиёев Давлат бюджети ижросини назорат қилишда парламент қўмиталари ролини ошириш муҳимлигини таъкидлади.

Аввал хабар берилганидек, қуйи палатага 2015 йилдан буён раҳбарлик қилиб келаётган Нуриддин Исмоилов (ХДПдан сайланган) спикер лавозимига қайта сайланди.

Шунингдек, спикер ўринбосарлари сони 7 тадан 2 тага қисқартирилиб, бу лавозимга ЎзЛиДеПдан сайланган депутатлар Мавлуда Хўжаева ва Раҳим Ҳакимов сайланди.