ДХХ раиси Абдусалом Азизов лавозимидан ҳайдалди — манба

Ўтган ойда Президент администрацияси собиқ мулозими Комил Алламжоновга уюштирилган суиқасдушбу истеъфо сабабларидан бири экани айтилмоқда.

64 ёшли Азизов ДХХ раиси лавозимида қарийб 5 йилдан буён ишлаб келаётган эди.

Абдусалом Азизов 2005–2006 йилларда Тошкент шаҳар Ички ишлар бош бошқармаси бошлиғи, 2006–2006 йилларда “Ўзбекнефтгаз” компанияси раиси, 2006–2008 йилларда “Ўзнефтмаҳсулот” раиси, 2008–2009 йилларда ички ишлар вазирининг биринчи ўринбосари, Ўзбекистон Футбол федерацияси вице-президенти, 2009–2017 йилларда Жиззах вилояти Ички ишлар бошқармаси бошлиғи бўлган.

У 2017 йил январ–сентябр ойларида ички ишлар вазири, 2017 йил сентябрдан 2019 йил февралгача мудофаа вазири лавозимларида фаолият юритган.

Азизов 2019 йил 14 январ куни генерал-лейтенант ҳарбий унвонини олган, бир ой ўтиб Ихтиёр Абдуллаев ўрнига ДХХ раиси этиб тайинланган. Ўша йил июлида Ўзбекистон Футбол ассоциацияси президентлигига сайланган.