Қўшимча функционаллар
-
Тунги кўриниш
Ўзбекистон ва Сомали ўртасида дипломатик муносабатлар ўрнатилди
Сомали Федератив Республикаси Ўзбекистон билан дипломатик муносабатлар ўрнатган 157-давлатга айланди.
Фото: dunyo.info
Нью-Йорк шаҳрида Ўзбекистон ва Сомали ўртасида дипломатик муносабатлар ўрнатиш тўғрисидаги қўшма коммюнике имзоланди, деб хабар берди «Дунё».
Икки мамлакат ҳукуматлари номидан ҳужжатни Ўзбекистоннинг БМТдаги доимий вакили Улуғбек Лапасов ва Сомалининг БМТдаги доимий вакили Абукар Даҳир Усмон имзолаган. Томонлар халқаро ташкилотлар, жумладан, БМТ ва унинг ихтисослашган институтлари доирасида ҳамкорликни кучайтиришга тайёр эканини тасдиқлаган.
Сиёсий, савдо-иқтисодий ва маданий-гуманитар соҳаларда ҳамкорликнинг ўзаро манфаатли йўналишларини топиш мақсадида икки томонлама алоқаларни фаоллаштириш бўйича келишувга эришилган.
Таъкидланишича, Сомали Федератив Республикаси Ўзбекистон билан дипломатик муносабатлар ўрнатган 157-давлатга айланди.
Ўзбекистон 2024 йилда Африка, Америка ва Европанинг 12 та давлати билан дипломатик муносабатлар ўрнатган эди.
Мавзуга оид
09:05 / 31.01.2025
Россия Суриядаги ҳарбий контингентини Ливияга кўчирадими?
14:52 / 24.01.2025
Африка қитъаси кутилганидан тезроқ парчаланмоқда
14:40 / 14.12.2024
Литийга талаб ошгани ортидан Нигериядаги конларда болалар меҳнатидан фойдаланилмоқда
17:18 / 28.11.2024