Шолц Россиянинг Суми шаҳрига зарбасини «ваҳшиёна ҳужум» деб атади

Германия канцлери вазифасини бажарувчи Олаф Шолц Россия қуролли кучларининг Украина шимоли-шарқидаги Суми шаҳрига берган зарбасини «ваҳшиёна ҳужум» деб атади. Шолц тегишли хабарни 13 апрел, якшанба куни X ижтимоий тармоғида жойлаштирди.

«Якшанба куни Россия ракеталари бегуноҳ тинч аҳолини ўлдирган Сумидан олинган кадрлар даҳшатли. Бизнинг фикримиз қурбонларнинг оила аъзолари ва ярадорлар билан. Германия бу ваҳший ҳужумни энг кескин тарзда қоралайди», — деб ёзди Шолц.

«Россиянинг бундай ҳужумлари Россиянинг гўёки тинчликка тайёрлигини кўрсатади», — дея қўшимча қилди Германия вазирлар маҳкамаси раҳбари вазифасини бажарувчи. Унинг сўзларига кўра, Россия Украинага қарши агрессив урушини шафқатсизларча давом эттирмоқда.