Нукусда инсульт бўлиб, уйида қамалиб қолган фуқаро қутқарилди

Қорақалпоғистон Республикаси, Нукус шаҳридаги хонадонда ёлғиз яшовчи фуқаро уйида қамалиб қолгани туфайли Фавқулодда вазиятлар бошқармаси (ФВБ) ходимлари томонидан қутқарилди.

Қайд қилинишича, унинг эшигини очмаётганлигидан ҳавотирланган яқин қариндоши Қорақалпоғистон Республикаси ФВБга ёрдам сўраб мурожаат қилган.

ФВБ қутқарувчилари айтилган манзилга етиб бориб, хонадон эшиги очиб берган. Шунда ёлғиз яшовчи фуқаро қон босими кўтарилиб кетгани оқибатида қўл ва оёқлари ишламай қолгани маълум бўлган.

Қутқарувчилар томонидан фуқарога биринчи ёрдам кўрсатилган ҳамда тез тиббий ёрдам ходимларига топширилган.