Туркманистон президенти Очилбой Раматов билан учрашди

Томонлар икки томонлама ҳамкорлик истиқболларини муҳокама қилдилар.

Фото: TDH

Туркманистон президенти Сердар Бердимуҳамедов Ўзбекистон бош вазири ўринбосари Очилбой Раматовни қабул қилди, деб хабар берди Türkmenistanyň Döwlet habarlari.

Томонлар икки томонлама ҳамкорлик истиқболларини муҳокама қилдилар ва янги Арқадағ шаҳрида илк бор ўтказилаётган Иқтисодий ҳамкорлик ташкилоти (ECO) форумининг аҳамиятини таъкидладилар. Учрашув иштирокчиларининг фикрича, форум натижалари минтақавий ҳамкорликни мустаҳкамлашга хизмат қилади.

Туркманистон президенти мамлакатлар ўртасидаги муносабатлар кўп асрлик дўстлик, яхши қўшничилик ва умумий маданий қадриятларга асослангани, бу жадал ҳамкорлик учун мустаҳкам пойдевор бўлиб хизмат қилаётганини таъкидлади.