Мексика Google корпорациясини судга берди

Мексика ҳукумати Google корпорациясини АҚШдаги фойдаланувчилар учун Google Maps сервисида Мексика кўрфази номини Америка кўрфазига ўзгартириб қўйгани учун судга берди. Бу ҳақда мамлакат президенти Калудия Шейнбаум маълум қилди.

«Даъво аллақачон киритилган ва у ҳамон кўриб чиқиш жараёнида», — дейди у.

25 январ куни АҚШ президенти Доналд Трамп Мексика кўрфазини Америкага, Аляскадаги Денали чўққисини эса Мак-Кинлига ўзгартиришни буюрганди. Бу Шимолий Америкадаги энг баланд нуқта бўлиб, аввалига 1901 йилда ўлдирилган президент Уилям Мак-Кинли шарафига номланган. Аммо 2015 йилда Барак Обама Мак-Кинлини маҳаллий америкаликлар фойдаланадиган Денали номига ўзгартирган эди. Бу Аляскада яшовчи аҳолининг талаби ва икки асосий партия вакиллари қўллови билан рўй берганди.

«Биз хоҳлаётган ягона нарса — бу АҚШ ҳукуматининг Мексика кўрфази номини Америка кўрфази номига ўзгартириш борасидаги фармони ижроси таъминланишидир. Фармонда фақат АҚШ континентал шелфига тўғри келадиган қисми тилга олинади, чунки ҳукуматда бутун кўрфаз номини ўзгартириш ваколати йўқ», — дейди Шейнбаум.

Мексика президенти агар штат, тоғ ёки кўл номи ўзгартирилганида ҳеч қандай эътироз билдирилмаган бўлиши, улар ўз ҳудудини хоҳлаганидек аташлари мумкинлигини таъкидлади. «Аммо Мексикага тааллуқли қисмини ўзгартириб бўлмайди», — дейди.