Андижонда Equinox ва тез ёрдам машинаси иштирокида ЙТҲ рўй берди

Андижон вилоятида Equinox тез ёрдам машинаси билан тўқнашиб, Damas’га урилди.

Фото: Андижон вилоят ЙҲХБ

Вилоят ЙҲХБ маълумот беришича, ҳолат 12 май куни соат 15:10 ларда Андижон шаҳар Й.Отабеков, Мустақиллик ҳамда Бобуршоҳ кўчалари кесишган чорраҳада содир бўлган.

Мустақиллик кўчасидан ҳаракатланиб келаётган Х.Г. бошқарувида бўлган Equinox’да, Й.Отабеков кўчасидан келаётган Wоlkswagen тез ёрдам автомашинаси билан тўқнашган.

Оқибатда рул бошқарувини йўқотиб, қатнов қисмининг четида турган Damas автомашинасига бориб урилиб, йўл-транспорт ҳодисаси содир этган. Ушбу ЙТҲ оқибатида тан жароҳати олган фуқаролар йўқ, автомашиналар техник шикастланган.

Мазкур ҳолат юзасидан ҳозирда Андижон шаҳар ЙҲХБ масъул ходимлари томонидан суриштирув ишлари олиб борилмоқда.