Ўзбекистонлик боксчилар Полшадаги турнирда биринчи бўлди

Полшада бокс бўйича Жаҳон кубогининг иккинчи босқичи якунланди, унда ўзбекистонлик спортчилар 6 та олтин, 1 та кумуш ва 2 та бронза медал қўлга киритди ва умумжамоа ҳисобида биринчи ўринни эгаллади.

Бокс бўйича Ўзбекистон жамоаси Полшада якунланган Жаҳон кубогининг иккинчи босқичида ғалаба қозонди. Спортчилар 6 та олтин, 1 та кумуш ва 2 та бронза медалини қўлга киритиб, умумжамоа ҳисобида биринчи ўринни эгаллади, дея хабар берди Миллий олимпия қўмитаси.

Олтин медалларни қўлга киритганлар:

Миразизбек Мирзахалилов (-55 кг)
Асадхўжа Мўйдинхўжаев (-65 кг)
Фазлиддин Эркинбоев (-75 кг)
Жавоҳир Умматалиев (-80 кг)
Акмалжон Исроилов (-85 кг)
Жаҳонгир Зокиров (+90 кг).

-57 кг вазн тоифасида Хуморабону Мамажонова кумуш, -60 кг вазн тоифасида Самандар Олимов ва -70 кг вазн тоифасида Ғофуржон Тоҳиров бронза медалига сазовор бўлди.