АҚШ Украина билан “елкама-елка” туришга тайёрлигини билдирди

Вашингтон Россия ва Украина музокараларни давом эттириши ва якунда ўт очишни тўхтатишга келишишларига умид қилмоқда.

Фото: Reuters

Қўшма Штатлар Украина билан елкама-елка туришда давом этади, чунки Украина “ўт очишни тўлиқ тўхтатиш”га чақирмоқда, деди АҚШ давлат департаменти матбуот котибининг ўринбосари Миньон Хюстон Эстониянинг Postimees телеканали эфирида.

Хюстон АҚШ президенти маъмурияти учун “минтақада узоқ муддатли, мустаҳкам тинчлик ўрнатилиши” устувор эканлигини таъкидлади.

“Биз Украина билан елкама-елка туришда давом этмоқчимиз, чунки Украина ўт очишни тўлиқ тўхтатишга чақирмоқда”, — деди у.

Хюстоннинг сўзларига кўра, Вашингтон Россия ва Украина музокараларни давом эттириши ва якунда ўт очишни тўхтатишга келишишларига умид қилмоқда.

Украина президенти Володимир Зеленский Киев ва Москва ўт очишни узоқ муддатга тўхтатиш борасида келишувга эришиш зарурлигини айтмоқда. Владимир Путин эса Россия жанговар ҳаракатларни тўхтатишга розилигини, аммо тинчликка эришишнинг самарали ечимини ишлаб чиқиш кераклигини таъкидламоқда.

#АҚШ #Украина