Хитойда ажрашаётган эр-хотин 29 бош товуқни тенг бўлишишди

Ажрашиш чоғида барча нарса ўртада тенг бўлинишини истаган эр-хотин учун суд иккита ечимни таклиф қилган.

Фото: South China Morning Post

Хитойда ажрашаётган эр-хотин 29 бош товуқни тенг бўлишиш учун битта товуқни бирга ейишди, деб ёзади South China Morning Post.

Хабарда айтилишича, улар Сичуан провинциясидаги қишлоқлардан бирида яшашган ва фермерлик билан шуғулланиб келишган. Уларнинг 29 бош товуғи, 22 бош ғози ва икки бош ўрдаги бўлган.

Ажрашиш чоғида барча нарса ўртада тенг бўлинишини истаган эр-хотин учун суд иккита ечимни таклиф қилган. Биринчиси – товуқлардан бири учун кимдир пул тўлаб ўзига олиб қолиши ёки уни сўйиб, биргаликда ейиш. Эр-хотинлар иккинчи йўлни маъқул кўришган.

#Хитой #оила

Kun.uz янгиликларини Google News'да кузатинг

+ Обуна бўлиш