Саккизта давлат ЕИнинг Беларусга қарши санкциялар пакетига қўшилди

18 июл куни ЕИ Кенгаши Россияга қарши 18-санкциялар пакети доирасида Беларусга нисбатан чеклов чораларини киритганди.

Евроиттифоққа кирмайдиган саккиз мамлакат ЕИнинг Беларусга нисбатан жорий этган 18-санкциялар пакетига қўшилди, деб маълум қилди ЕИ Кенгаши.

Хабар қилинишича, Албания, Босния ва Герцеговина, Исландия, Лихтенштейн, Черногория, Шимолий Македония, Норвегия ва Украина ЕИнинг санкциялар киритиш қарорига қўшилган.

"Улар ўз миллий сиёсатлари Кенгаш қарорига мувофиқлаштирилишини таъминлайди. Евроиттифоқ бу мажбуриятни эътиборга олади ва олқишлайди", - дейилади ЕИ Кенгаши баёнотида.

18 июл куни ЕИ Кенгаши Россияга қарши 18-санкциялар пакети доирасида Беларусга нисбатан чеклов чораларини жорий этганди.

Санкциялар Беларуснинг "Россия қуролли кучларини қўллаб-қувватлаётган” саккизта компаниясига нисбатан киритилган. Шунингдек, Беларусдан қурол импорт қилишга эмбарго қўйилган ҳамда мамлакатнинг тўртта банки билан молиявий ўтказмалар олиб боришга тақиқ қўйилган.

#ЕИ #санкция #Беларус

Kun.uz янгиликларини Google News'да кузатинг

+ Обуна бўлиш