Макрон Россияни мажбуриятларни бажармасликда айблади

Франция президенти Украинадаги тинчлик “хавфсизлик кафолатлари” билан бирга ўрнатилиши кераклигини таъкидлади.

Фото: Sean Gallup / Getty Images

Россия мажбуриятларни бажармасликка одатланган, деб ёзди Франция президенти Эмманюэль Макрон Х тармоғида.

“Охирги 30 йилдан, хусусан, Россиянинг ўз мажбуриятларини бажармаслигидан сабоқ чиқариш жуда муҳим”, — дейилади унинг Владимир Путин ва Доналд Трамп учрашуви якунларига бағишланган постида.

Макрон Украинадаги тинчлик “хавфсизлик кафолатлари” билан бирга ўрнатилиши кераклигини таъкидлади ва тез орада “кўнгиллилар коалицияси” буни таъминлаш учун учрашув ўтказишини билдирди.

Унинг қўшимча қилишича, АҚШ бунга ўз ҳиссасини қўшиш ниятида.

#Украина #Франция

Kun.uz янгиликларини Google News'да кузатинг

+ Обуна бўлиш