Бўка туманида юқори босимли газ қувурига шикаст етказилди

Оқибатда 13 мингга яқин истеъмолчига табиий газ таъминоти вақтинча тўхтатилди.

Фото: Энергетика вазирлиги

Тошкент вилояти, Бўка туманидаги юқори босимли газ қувурига транспорт воситасининг шикаст етказиши оқибатида табиий газ таъминоти вақтинча тўхтатилди. Бу ҳақда Энергетика вазирлиги хабар берди.

Қайэ этилишича, 18 август куни соат 21:40 да Бўка тумани ҳудудидан ўтган ерости юқори босимли газ қувурига экскаватор томонидан шикаст етказилган. Оқибатда 12512 та хонадон ва 267 та улгуржи истеъмолчи таъминотдан узилган.

Таъкидланишича, газ таъминоти ходимлари томонидан таъмирлаш ишлари олиб борилмоқда. Таъмирлаш ишлари якунлангач таъминот қайта тикланади.