Ҳиндистон ўрта масофага мўлжалланган баллистик ракета синовини ўтказди

Ракета мудофаа тадқиқотлари ва ишланмалари ташкилоти томонидан ишлаб чиқилган.

Фото: ANI

Ҳиндистон ҳарбийлари Agni-5 қитъалараро ракетаси варианти бўлган ўрта масофага мўлжалланган баллистик ракета синовини муваффақиятли ўтказди, деб хабар берди Hindustan Times нашри.

Хабарга кўра, синов Одиша штатидаги ракета полигонида ўтказилган.

Қайд этилишича, ракетанинг ушбу варианти мудофаа тадқиқотлари ва ишланмалари ташкилоти томонидан ишлаб чиқилган.

Ҳозирда Agni-5 ракетасининг максимал парвоз масофаси 7 минг километрга яқин бўлиб, уни 7,5 минг километргача етказиш устида иш олиб борилмоқда.

#Ҳиндистон #ракета

Kun.uz янгиликларини Google News'да кузатинг

+ Обуна бўлиш