Кабеллар узилиши: Eagle S танкери капитани Финландияда суд қилинмоқда

Кема капитани ва унинг икки ёрдамчиси 2024 йилда Финландия кўрфазида бешта сувости кабелига зарар етказганликда айбланмоқда. Танкер Россиянинг «соя флоти»нинг бир қисми ҳисобланади.

Фото: Finnish Border Guard/dpa/picture alliance

Финландия пойтахтида Eagle S нефт танкери капитани ва унинг икки ёрдамчиси устидан суд жараёни бошланмоқда. Улар Финландия кўрфазидаги бешта электр ва телекоммуникация кабелига зарар етказганликда айбланмоқда.

Санкт-Петербургдан жўнаб кетган кема лангарини денгиз туби бўйлаб судраган, натижада Финландия ва Эстонияни боғловчи Estlink 2 электр кабели 2024 йил декабрида, шунингдек, тўртта интернет кабели узилган. Тергов якунига кўра. Финландия хавфсизлик идоралари воқеа содир бўлганидан кўп ўтмай танкерга мамлакат ҳудудий сувларига киришни буюрган, сўнгра уни кабелларни бузишга алоқадорликда гумон қилиб, қўлга олган.

Январ ойида Россиянинг «соя флоти» кемаларидан бири ҳисобланган танкер хатловга олинган эди. Март ойида Финландия хатловга олишни бекор қилиб, кемага мамлакатни тарк этишга рухсат берди. НАТО давлатлари бир йил ичида учинчи ҳодисага айланган воқеадан сўнг Болтиқ денгизидаги ҳарбий мавжудлигини кучайтиришга қарор қилди.