Абитуриентларнинг 41 фоизи минимал баллни ҳам тўплай олмади

2025 йилда 614 минг 768 нафар абитуриент тестга кирган бўлиб, уларнинг 253 минг 844 нафари (41,29 фоиз) 56,7 баллни (максимал баллнинг 30 фоизи) ҳам тўплай олмаган.

Энг ёмон кўрсаткич Андижон вилоятида (47,6 фоиз), нисбатан яхшироқ натижа эса Бухоро ҳамда Тошкент шаҳрида (31,4 фоиз) қайд этилган.

2023 йилда 8 та, 2024 йилда эса 4 та ҳудудда абитуриентларнинг 50 фоиздан кўпроғи 56,7 баллдан паст балл олган. Жорий йилда биронта ҳудудда бундай салбий кўрсаткич қайд этилмаган.

Ўтган йилга қараганда натижасини энг кўп яхшилаган 5 та ҳудуд:

1. Қорақалпоғистон Республикаси — 9%
2. Навоий — 8,9%
3. Сирдарё — 8,1%
4. Бухоро — 7,8%
5. Қашқадарё — 6%

Маълумот учун, 56,7 балл — бу тўплаш мумкин бўлган энг юқори 189 баллнинг 30 фоизи дегани.